8點瞓咁早...第二朝咪5點醒？

有媽咪問

「就算BB真係8:00訓，早上又會早起，可能5:00-6:00，大人又要咁早起，咁樣好辛苦⋯⋯

遲睡遲起，早睡早起，其實係一個好常見嘅睡眠誤解嚟㗎！」

你諗吓，如果真係咁簡單的話就好嘞！有幾多媽咪嘅情況係，囝囝囡囡成11-12點至瞓，第二朝6點就醒？

你諗住夜啲瞓，BB就唔會半夜醒？

你諗住餵奶後氹佢瞓返就得？

就算加埋瞓到12個鐘，睡眠質素亦都同夜晚早啲瞓冇得比㗎！

積落嘅睡眠債，令BB長期睡眠不足，好多情緒、行為，甚至學習上嘅問題，正正係因此而起。

而且，每日都要湊B湊到半夜至瞓，冇晒me time，長期精神緊張兼唔夠瞓，可以頂到幾耐？

其實，4個月大或以上嘅BB，已經能夠夜晚瞓到10-12小時（連夜奶），而且亦絕對有能力自行入睡。

畀BB/小朋友早啲瞓，配合埋適當嘅清醒時間，同埋良好嘅睡眠習慣，咁佢哋就能夠瞓得好，朝早亦唔會天未光就醒。

睡眠生睡眠（sleep begets sleeps），畀囝囝囡囡得到充足休息，至能夠解決睡眠問題。