健康院姑娘叫我由得佢喊一個星期...
「我囡囡唔識自己訓覺，細個俾佢啜會比較易訓，但而家大左唔係每次啜完都訓。同埋佢愈啜愈耐，我都好唔舒服，但我又唔想停人奶，所以好苦惱… 問健康院d姑娘，佢地叫我由得佢喊1個星期，但佢真係可以喊好耐... 試過有1晚，佢喊左2個鐘...」
首先，我唔會建議由得bb喊，完全唔理佢，即係所謂cry it out (CIO) 呢個方法
哭泣係BB嘅溝通方式，用嚟向我哋表達佢嘅需要及感受。
當你唔畀你囝囝囡囡啜住瞓（或者唔再抱睡搖睡），佢唔習慣而大喊表示不滿係正常嘅事，我哋係應該要畀回應佢嘅（但可以有唔同嘅做法）。
伸延閱讀：《7個冷靜面對哭泣的原因 》
而且，想BB/小朋友瞓得好，最重要係掌握好入睡時間，否則就算佢喊完自己瞓到，但半夜亦一樣會因為疲勞過度而夜醒大喊。
《個案分享 - 識得自行入睡唔代表會瞓得好》
想戒奶睡，可以有唔同嘅方法，但最重要係媽咪你自己能夠堅持，同埋畀到囝囝囡囡一致嘅回應方式，唔好一時抱一時畀奶一時唔理佢。BB接收到清晰嘅訊息，自然更容易適應得到，唔會再大喊唔停。
最後，戒奶睡不等如戒人奶㗎啦！你只需要喺餵奶同瞓覺之間加多一兩個步驟，例如擦牙、著睡袋、唱歌、睇書等等，中斷食奶同瞓覺之間嘅關聯。
我有一個戒奶睡webinar，歡迎隨時報名收睇！
