個案分享 - Sunny

個案分享

半夜每兩個鐘醒一次

BB：Sunny（諮詢時6個月）

「睡眠問題：半夜每兩小時醒一次，每次小睡亦只有30-40分鐘，需依賴抱拍睡或奶睡」

成果：第一晚已經由每晚醒6-7次、要抱睡奶睡，到可以一口氣訓12小時，之後慢慢所有日間小睡都可以自己瞓 ，唔駛抱到手斷實在太感動（Nicky媽媽）

☆你都好想唔駛再抱睡奶睡，囝囝囡囡可以夜晚連睡12小時？即刻留言「夜醒」，我會PM你傾傾☆

好多媽咪搵我幫手時，都會提到囝囝囡囡半夜每兩個鐘醒一次，點解會咁嘅呢？

首先講清楚一點，以下嘅情況只適用於4個月或以上嘅BB，初生BB夜晚每幾鐘醒一醒要食奶係正常嘅，我唔建議太早去幫BB戒夜奶，只要自小培養良好睡眠習慣，BB會自己停止夜醒㗎嘞！

點樣培養良好睡眠習慣？參加《健康睡眠工作坊》啦！詳情 https://bit.ly/2XZTeiA

好嘞！咁點解BB會每兩個鐘醒一次呢？

當BB進入4個月睡眠倒退期，睡眠模式開始改變，夜晚嘅睡眠周期發展到好似大人咁，分成幾個階段（REM + NREM x4）。

兩個鐘頭，正正就係一個睡眠周期嘅長度。當去到睡眠周期嘅尾段，BB會郁郁下同埋發出聲音，呢個時候，如果有任何嘢刺激/騷擾到佢（包括外在及內在因素），咁佢就會醒嘞！

所以，下次你發現囝囝囡囡半夜喺度o𠵱𠵱哦哦，睇定啲先，唔好即刻飛撲埋去抱起佢，否則未醒都畀你整醒呀