抱睡一定唔得？做睡眠訓練就一定好？

「有父母訓練BB學習自己入睡，亦有父母抱BB直至睡著，想問哪方法較正確？」

其實，「睡眠問題」係好主觀㗎！

有啲父母鍾意抱住BB氹佢瞓，咁如果BB瞓得好，唔會一晚醒幾次大喊；又或者父母唔介意BB會醒，抱佢/奶睡瞓返就ok，唔覺得辛苦，唔覺得係一個問題嘅話，係咁其實係冇需要去做任何改變嘅。

但如果你覺得BB而家瞓得唔好，例如次次都要氹好耐至瞓到，瞓著後好快又醒，令你覺得好攰，唔想再咁樣落去嘅話，咁就需要搵出睡眠問題嘅成因，再制定一套全面嘅睡眠計劃去解決嘞！

而睡眠訓練，其實只係睡眠計劃嘅其中一個部份。

因為，想BB瞓得好，其實有好多因素需要考慮，例如睡眠環境、作息時間、日間活動、仲有心理因素等。

所以，唔係話做完睡眠訓練就一定會瞓得好，我曾經有接過幾個case，媽咪搵其他顧問幫手做睡眠訓練，雖然事後BB能夠自行入睡，但仍然會每晚夜醒大喊瞓唔返，日間小睡亦瞓得好短，就係因為忽略咗安睡嘅其他條件。

個案分享：

《識得自行入睡唔代表會瞓得好 -- Ruka》https://bit.ly/3gjFHKc

《BB唔係機械人 -- Mia》https://bit.ly/2Ad2nM9

相反地，亦唔係只有做咗睡眠訓練先至可以瞓得好。我冇同自己兩個囝囝進行過睡眠訓練，但由於佢哋自少就培養良好嘅睡眠習慣，所以6個月大就已經可以連續瞓到11小時唔駛食夜奶。

點樣培養良好睡眠習慣？

《健康睡眠工作坊》https://bit.ly/2EnEcw8

所以，入睡方式同其他育兒問題一樣，冇話正唔正確，而係講合唔合適（或頂唔頂得順 ），係一件好主觀嘅事嚟...

不過，想BB瞓得好，係有一套科學性嘅方法去處理嘅，只要有計劃有恆心，一定可以改善到睡眠質素㗎！