個案分享 - Miki

個案分享

陪睡除咗個人喺度

個心都要喺度㗎

BB：宜謙（諮詢時8個月大）

「睡眠問題：需依賴抱睡及奶咀，每晚夜醒2至6次，餵奶後亦無法立即再次入睡，要抱到大人床」

同香港好多BB/小朋友一樣，宜謙都習慣朝早醒咗食完奶再瞓過，到11am至起身，然後夜晚11-12點至瞓

就算夜間睡眠都係有11-12小時，但時段未能配合生理時鐘，唔單止睡眠質素冇咁好，睡眠嘅恢復力亦不足，令BB/小朋友瞓醒都仍然覺得好攰。

而且，囝囝囡囡咁夜瞓，媽咪爹哋自然亦冇得休息。大人同小朋友一齊攰鬥攰，大家都心情唔好冇耐性易炆憎...

要成功令BB戒抱睡，掌握好入睡時間非常非常非常重要。尤其是選擇陪睡嘅話，BB因為攰得攰而一落床立即爆喊，就難處理得多。

作為父母，當然好希望可以令囝囝囡囡平靜返落嚟，但好多時你越想去停止佢嘅淚水，佢就越喊得勁。

因為，你所做嘅安撫動作，未能夠回應到佢嘅需要。反而令佢受到更大刺激，甚至見你咁擔心，而更加冇辦法冷靜落嚟安心瞓覺。

今日至收到另一位媽咪send畀我嘅分享。

Yannes媽媽：

今次睡眠訓練令我明白到小朋友既學習同理解能力真係好強，雖然佢只係得11個月，但佢好快已經意識到發生緊啲咩事。有時父母比過多情感落去，會limit左佢哋既發展，同時間亦間接忽略左佢哋既真正感受。

想囝囝囡囡瞓得好，我哋要做嘅係掌握好放床時間，同埋營造安睡環境。當佢喊時，我哋必須要聆聽，以作出恰當嘅回應。然後就係放手，等待睡眠來臨。記住，放手唔代表陪睡時要避免眼神接觸，唔回應由得囝囝囡囡喊到瞓㗎！