媽咪分享 - Mary
媽咪分享
「其實透過呢個睡眠練習，我發覺我女係有一套自己既模式成長，我深深感受到我係協助個女成長而唔係要湊佢令佢習慣返我地。」
係呀！想小朋友瞓得好，最重要就係瞭解佢哋嘅睡眠需要，令佢哋能夠回歸返最自然最舒服嘅模式。
呢點其實都係RIE育兒法嘅其中一個重點 -- 瞭解小朋友嘅真正需要，尊重小朋友嘅內在時間表。
"Baby knows best"，只要我哋細心啲去觀察，盡量避免將我哋自己嘅想法投射到囝囝囡囡身上，你就會發現，其實佢哋對自己嘅需要好清楚，而且亦都會一直嘗試表示出嚟。
除咗睡眠之外，其實喺其他發展方面，例如幾時識翻身、識行、自己食飯、戒片、學認字寫字等等... 全部都冇得急嘅。
就算贏在起跑線又如何？小朋友大個啲，你會睇得出佢幾歲識唱ABC嗎？
一時感概咗添，其實原本唔係諗住講呢樣嘢
你對於「贏在起跑線」又有乜嘢睇法？歡迎留言分享。
Mary媽媽嘅分享全文：
Hello Catherine，多謝你呢個工作坊，參加果時我女兩個半月，我完全無頭緒咩係睡眠規律，淨係一味想佢訓過夜，但一到夜晚佢就喊到顛哂，老一輩係咁話我屋企有野，但因為我係基督徒，我比較相信係我照顧方面有不足，所以積極搵解決辦法。
頭兩日實行左你教既方法，佢最明顯係已經唔會晚上喊到訓唔到，原本想train佢8-8訓覺，到而家三個半月佢自己改返6-6。其實透過呢個睡眠練習，我發覺我女係有一套自己既模式成長，我深深感受到我係協助個女成長而唔係要湊佢令佢習慣返我地。
