你可能無意中已經同BB做緊睡眠瞓練
有媽咪問
「幾時至可以做睡眠訓練呢？
每當提到睡眠問題，總係有人話要做睡眠訓練，令BB識得自行入睡，講到自行入睡好似萬能咁...」
真係唔係咁簡單㗎囉，講得呢句說話嘅人，對嬰幼兒睡眠嘅認知肯定唔夠深入同全面
睡眠訓練嘅目的係乜嘢呢？
RIE育兒法創辦人Magda Gerber認為，睡眠訓練其實係『睡眠反訓練』，目的係解除BB被「 訓練」 成無法自行入睡嘅狀況，令佢能夠恢復自行入睡嘅本能。
係呀，BB天生就有自行入睡嘅能力㗎嘞！
初生嬰兒未習慣子宮外嘅環境，又容易受到過度刺激，所以成日都會大喊。作為父母，我哋當然希望能夠幫到BB，並且以安撫BB入睡作為自己嘅責任。
未滿6個月嘅BB，對入睡方式未形成太大依賴，而且小睡長度未穩定，所以冇需要，亦唔建議做正式嘅睡眠訓練。之不過，正正因為BB對入睡方式未有太大依賴，所以可以練習床上入睡，目的係畀機會佢試，但唔得亦唔會勉強*。
但當BB越嚟越大個，對我哋嘅協助形成依賴，就等如被「訓練」 到必須要特定條件下至瞓得到，從而失去咗自行入睡嘅能力。想改善睡眠問題，就必須要有全盤計劃，從生理、心理，以及環境等方面著手**，未做好以上呢幾點，勉強去做睡眠訓練只會吃力不討好
無論係咪做睡眠訓練都好，希望囝囝囡囡瞓得好啲，我哋需要做嘅係：
1) 瞭解BB嘅生理時鐘
2) 消除引致入睡困難嘅因素
3) 消除瞓得唔穩易醒嘅因素
想知道應該點樣開始去做？我有兩個網上課程，會一步一步同你講解，協助你成為你囝囝囡囡嘅睡眠專家
「健康睡眠工作坊」會為各位新手父母分析初生嬰兒的睡眠特徵，並講解安排作息時間的重點，從而減少嬰兒哭鬧的情況，以及協助孩子慢慢習慣在床上自然入睡的方法。
詳情：https://www.dolcesleepers.com/courses/0-5workshop
「睡眠調整全面睇」會以一套綜觀的方式，從科學及心理學角度去解決睡覺問題，而且無須做正式的睡眠訓練，亦能為孩子戒除抱睡奶睡等習慣。
