1歲仲未戒夜奶...
有媽咪問
「囡囡已經1歲嘞，仲未戒夜奶... 究竟係BB問題，定係家長嘅問題呢？可以點做？」
冇人有問題呀！只不過係媽咪同爹哋需要轉變一下個心態同習慣嗟
1歲喺生理上已經唔再需要夜奶，所以醒咗就應該用另一套方式去回應小朋友，而唔再當佢係BB咁餵奶瞓返。堅持去用另一種方式安撫佢，佢得到清晰嘅訊息，知道醒咗唔會再有奶飲，咁就可以安心繼續瞓唔會再扭計要奶㗎嘞！
你諗吓嘞，如果每晚你醒咗，都會有朱古力雪糕食（或任何你好鍾意食嘅嘢），你仲有冇意慾瞓返呢？
你囝囝囡囡而家仲要食夜奶嗎？揀個表情啦！
唔駛嘞，一覺瞓到天光添！
仲要食呀，我都想知幾時可以停囉...
唔駛夜奶，但仍然一晚醒幾次呀...
伸延閱讀：
《為幼兒戒夜奶》
*生理上而言，BB要到6-9個月至會唔再需要夜奶。所以，唔需要強求BB咁早戒夜奶，為自己增加不必要嘅壓力啦！
