18個月係分離焦慮嘅高峰期,BB見唔到媽咪,就會爆喊 。
於是,習慣由媽咪陪睡嘅話,半夜唔見咗媽咪,又會爆喊 。
Mitsaki媽媽同佢先生Vincent,就喺呢個時候搵我幫手…
最後唔單止成功解決囝囝Quentin嘅睡眠問題,仲拉近咗爸爸同囝囝嘅親子關係,媽咪輕鬆晒!(佢哋幫我錄咗集podcast分享經驗同心得添,而家有文字版本㗎 )
所以,千祈唔好睇少睡前儀式,尤其是對於要返工嘅媽咪爹哋嚟講,預期陪玩,不如預多啲時間去做睡前儀式,將遊戲融入睡眠,又可以慳返啲時間,一舉兩得。
相關文章
孖仔房外面有個書架,最近我買咗套小朋友版百科全書畀佢哋,於是兩個臨瞓前成日走去掀書。 今晚攪掂咗孖仔A,擰轉頭見到孖仔F又喺度睇本有關埃及嘅書(早排學校一連2星期都喺度做關於埃及嘅project,於是孖仔兩個一日到晚喺度 Tutankhamun Tutankhamun 𓁈)
「話咁快我仔仔足咗兩歲喇!中間有段時間經歷過睡眠倒退期s、番工、湊仔….忙到冇update大家。我覺得睡眠儀式嘅建立真係好重要!!」
