再來講解戒夜奶

《再來講解戒夜奶》

「如果媽咪不希望每晚醒幾次餵奶；如果媽咪希望囝囝囡囡能夠一覺瞓到天光；如果媽咪日間嘅精神受夜奶所影響，咁我會支持媽咪為囝囝囡囡戒夜奶。」

琴日同各位媽咪分享咗我嘅睇法，回應好踴躍！

《為幼兒戒夜奶》https://bit.ly/2YWNfMQ

咁今日就同大家講吓，可以點樣戒夜奶啦！

想成功戒到夜奶，要注意以下5點：

1. 中斷食奶同睡眠嘅關聯

奶睡係好方便嘅入睡方式，尤其對親餵嘅媽咪而言。只不過，當小朋友習慣咗要依賴吸啜嘅感覺至瞓得著，每次半夜醒咗，亦都會需要同樣嘅感覺至可以瞓得返，因為佢哋並唔識得/唔知道其他入睡嘅方法。此外，每當半夜醒咗就有奶，對小朋友嚟講亦會成為夜醒嘅誘因，令佢哋冇意慾自己再次入睡。要中斷食奶同睡眠嘅關聯，第一步係停止奶睡，你可以將餵奶改為睡前儀式嘅第一步，喺佢未係太攰時餵奶，避免佢啜啜吓就瞓咗。之後就同佢刷牙抹面著睡袋，亦可以唱吓歌講吓故事，跟住再放佢落床，改為使用另一種安撫方式幫佢入睡。

《睡前儀式》http://bit.ly/2LHoQ7e

《讓孩子懷著愉快的心情入睡》http://bit.ly/2YLKiLW

2. 天光至餵奶

小朋友年紀越大，就越有自己嘅諗法，亦越唔容易被說服。到咗1歲以後嘅年紀，夜奶只是習慣而非需要。所以，要戒夜奶就必須明確地設下界限，最容易令小朋友明白嘅方法，就是天光先至有奶吃（注意睡眠環境應該越黑越好），又或者買一個會發光嘅鬧鐘。咁就可以慳返啖氣唔駛次次都要討價還價，亦可以減低雙方嘅磨擦。

《幾時戒夜奶？》http://bit.ly/2Ipnhsc

3. 獨立嘅睡眠空間

很多親餵嘅媽咪，都會選擇同囝囝囡囡一齊瞓大人床。喺零距離嘅空間，要拒絕囝囝囡囡嘅要求，需要極有忍耐力及耐性。所以，如果可以的話，畀囝囝囡囡瞓返喺嬰兒床，甚至有自己嘅睡房，能提高餵哺嘅複雜度，亦能有助媽咪守住所設下嘅限制。如果媽咪希望繼續跟囝囝囡囡一齊瞓，又或者因為土地問題而無法分開瞓，可以著件冇咁容易掀開嘅衫，或者著多幾層，提高囝囝囡囡「開自助餐」嘅難度。

《安全睡眠環境》http://bit.ly/2Xt8qXf

《美國兒科醫學會的建議》http://bit.ly/2Xt8qXf

4. 預先溝通，做好心理準備

餵母乳應該是媽咪同囝囝囡囡雙方都享受嘅事嚟，如果媽咪決定戒夜奶，就應該同囝囝囡囡開誠溝通，並且畀佢哋足夠嘅時間做好心理準備。你可以同囝囝囡囡一起定低開始戒夜奶嘅日子，喺呢日之前得閒就提吓戒夜奶嘅原因，同埋戒夜奶對雙方所帶來嘅好處。真正實行嘅時候，囝囝囡囡或者仍然會作出抗議，但由於已經一早知道這一日嘅嚟臨，對佢哋嚟講會比較容易接受一啲。

《溝通解難5步曲》https://bit.ly/2x0wQeR

5. 保持一致嘅做法

無論作出任何改變，都必須保持一致，至能夠得到成效。如果你未能堅持守住所定落嘅界限（例如天光至餵奶），或者每次都用唔同嘅處理方式，會令小朋友覺得無所適從，無法理解你嘅期望。最終只會打回原形，解決唔到夜奶嘅問題。

《Consistency》http://bit.ly/2TjWcx5

6. 送多個貼士畀大家

《母乳媽媽注定冇覺好瞓？》https://bit.ly/3djGU1V

你或者會問，戒夜奶會唔會令囝囝囡囡覺得我唔再錫佢，令佢失去安全感？

請注意，以上幾點只適用於1歲以上幼兒，不建議為6個月以下嬰兒戒夜奶。