孩子半夜常常走來要一起睡，怎麼辦？

「囝囝3歲，自己瞓一間房，入睡冇問題，但半夜醒咗成日走到我哋睡房，要求同我哋一齊瞓，令我同先生都無法安睡，甚至對工作造成影響，應該點處理呢？」

小朋友半夜醒咗搵媽咪，係好常見嘅事。

如果你希望囝囝留喺自己床上，就要設定限制，並且貫徹始終去執行。

當然，首先應該睇睇你囝囝係咪有乜嘢需要，或者係咪有事困擾住佢，令佢唔願意留喺自己房入面。

如果純粹只是習慣性的話，到咗呢個年紀，其實你只需要每次佢走過嚟時，就拖著佢隻手，將佢帶返佢自己間房。

記得一定要保持冷靜，而且盡量唔好講嘢（1-2句就好）。

就算小朋友一晚走過嚟10次，你都一定要堅持，每次將佢帶返佢間房，小朋友至能夠明白到，你希望他半夜醒咗仍然留喺自己張床上。

另外，你亦應該留意囝囝夜晚係咪瞓得足夠。

如果小朋友已經冇瞓晏覺，夜晚就應該要睡上11-12個鐘至足夠，否則攰得滯,就會半夜成日醒。

還有一點好重要嘅係，喺呢個時期嘅小朋友，好需要媽媽嘅關注，如果你有2個小朋友或以上的話，安排1對1嘅親子時光，能令小朋友感到受重視，亦都更有安全感啦！