0-3歲寶寶Podcast
喺過去兩年幾以嚟，我一直都係主要用文字，同大家分享有關嬰幼兒睡眠及育兒嘅資訊。
不過有一日同位媽咪傾開計時，突然有個諗法 —— 得我一個講其實好悶，不如邀請啲媽咪爹哋同大家親身分享啦！
冇諗到，我向幾位媽咪提出呢個諗法，佢哋都一口應承一齊玩！
於是，0-3歲寶寶podcast就此誕生
每集大概20分鐘，冇保留完全分享調整心得
今日出第一集，我邀請咗 雨僑 Ava Liu，同大家分享佢點樣喺2星期內，就成功令佢囡囡哈姐由一晚醒幾次，大幅改善為只醒一次，餵完奶就即刻瞓返。
希望可以幫到你更有信心，去面對各種育兒難題
“相比對上兩次打針，雖然都有出現夜醒，但今次我同先生都鎮定好多，因為首先我哋知道，只要我哋堅持咗呢啲原則，最多夜醒我哋要幫佢接覺，但係不至於全日喺個廳度跑嚟跑去，飯都食唔到。因為我哋知道點樣去處理… 心理上有信心咗好多，因為BB總係有啲ups and downs，打針就係最衝激嘅環節。媽媽如果冇呢啲知識，係會好panic… 「會唔會從此以後一晚醒5次!? 」”
— 雨僑Ava
P.S. 暫時錄咗13集，將會喺嚟緊3個月，每個星期出一集，反應好再錄第2季啦！
再P.S. 喺Apple Podcast, Spotify同Youtube都可以收聽㗎！
☆☆☆
嬰幼兒睡眠顧問 Catherine
全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽
網上課程 / 電話諮詢 / 免費資源分享
