識得靈活運用睡眠知識，你BB都可以成為甜睡寶寶
喺大概1年之前，Tiffany媽媽同Kelvin爸爸搵我做諮詢，處理囡囡千諾嘅睡眠問題。
當時，千諾BB係9.5個月，半夜醒咗要人抱，日間小睡時間混亂，難以入睡，瞓到都得30分鐘就醒...
經過Tiffany同Kelvin嘅共同努力後，千諾每晚都喺20分鐘內平靜入睡，而且每朝起身都笑咪咪，情緒穩定咗，食嘢食得好咗，學習能力亦得到提升
一年過去，千諾BB已經長成小女孩，但仍然係甜睡寶寶一名
早3個月佢哋搬屋，順便分房。而家一家人瞓得越嚟越好，甚至朝早唔捨得起身
能夠維持得咁好，功勞完全係Tiffany同Kelvin嘅
因為佢哋能夠靈活運用喺諮詢期間所學到嘅睡眠知識，識得點樣處理睡眠倒退期、分離焦慮等情況，就算隔離屋裝修都冇有怕
所以，千諾每次都好快就能夠重回正軌，變返安睡寶寶
能夠幫到你有信心處理你BB嘅睡眠問題，令你BB成為鍾意瞓覺嘅 甜睡(Dolce) 寶寶(Sleepers)，係我嘅終極目標
所以，我邀請咗10位媽咪爹哋親身分享，進行睡眠調整/訓練期間嘅經驗同心得。
你仲未聽？每集只係大概20分鐘，快啲去 「0-3歲寶寶podcast」收聽啦！
Tiffany & Kelvin 嘅最新分享：
「好慶幸一年前有搵到Catherine幫手，跟住Catherine教嘅心法，過去呢一年我哋先可以做一對好歎嘅父母...
除咗瞓得好，最開心嘅係BB真係鍾意瞓覺，亦都識得 listen to her own body，而家好多時差唔多夠鐘瞓覺嗰陣，佢都會走嚟同我講佢有少少眼瞓喇，然後就自動自覺走去洗手間等我幫佢換片換衫準備瞓覺
直覺話俾我聽，呢個從小養成嘅健康睡眠schedule同習慣，到佢大個咗都會對佢好有益處
p.s. 聽過有d人覺得sleep training / 分房會令小朋友冇安全感，經過咗一年我覺得真係冇，完全冇。BB同我哋嘅感情有增無減，整體黎講情緒好穩定，我覺得佢嘅安全感係來自佢知道無論咩情況，當佢需要我哋嗰陣，我哋一定會陪住佢，幫佢，而唔係全晚攬住佢」（閱讀完整review請往下拉）
☆☆☆
嬰幼兒睡眠顧問 Catherine
全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽
網上課程 / 電話諮詢 / 免費資源分享
