如果晚晚半醒左都有朱古力雪糕食，你仲想唔想瞓返?

有媽咪問

囡囡已經1歲嘞，仲未戒夜奶... 究竟係BB問題，定係家長嘅問題呢？可以點做？

冇人有問題呀！只不過係媽咪同爹哋需要轉變一下個心態同習慣嗟

1歲喺生理上已經唔再需要夜奶，所以醒咗就應該用另一套方式去回應小朋友，而唔再當佢係BB咁餵奶瞓返。堅持去用另一種方式安撫佢，佢得到清晰嘅訊息，知道醒咗唔會再有奶飲，咁就可以安心繼續瞓唔會再扭計要奶㗎嘞！

你諗吓嘞，如果每晚你醒咗，都會有朱古力雪糕食（或任何你好鍾意食嘅嘢），你仲有冇意欲瞓返呢？

你囝囝囡囡而家仲要食夜奶嗎？揀個表情啦！

唔駛嘞，一覺瞓到天光添！

仲要食呀，我都想知幾時可以停囉...

唔駛夜奶，但仍然一晚醒幾次呀...

*生理上而言，BB要到6-9個月至會唔再需要夜奶。所以，唔需要強求BB咁早戒夜奶，為自己增加不必要嘅壓力啦！