你唔抱住我，我唔知點瞓呀...

「琴日分享《7類玩極唔厭嘅玩具》，文章中我引用咗RIE育兒法創辦人Madga Gerber嘅一句名言：

"Passive toys make active babies and active toys make passive babies"

究竟呢句說話嘅背後意思係點呢？」

當一件玩具嘅功能越多，小朋友...

- 要做嘅嘢就越少

- 就越覺得佢需要件玩具有多啲功能至好玩

- 無需要發揮自己嘅創意，於是會低估自己嘅能力，繼而無法得到成就感，並從中建立自信

其實，呢一個因果關係，亦可以套用喺其他方面。

例如喺氹瞓覺呢件事上...

當你做得越多（奶睡抱睡搖睡等），你囝囝囡囡...

- 要做嘅嘢就越少（無須自己放鬆入睡）

- 就越需要我哋去氹到佢眼瞓，幫佢瞓著覺

- 唔知道原來有其他入睡方式（可以自己喺床上入睡）

我相信，BB天生就擁有自行入睡嘅能力，但佢哋會從我哋嘅回應同安撫方式中，養成奶睡搖睡抱睡嘅習慣，所以冇咗我哋就瞓唔到。

所以，其實唔係BB鍾意人抱住嚟瞓，只係佢唔知道原來仲有其他入睡方式。

如果你BB只係0-5個月大，佢對現有入睡方式嘅依賴未算好重，可以畀機會佢練習床上入睡，重點係嘗試，所以唔需要要求100%做得到。想知點做？參加《健康睡眠工作坊》，我會分享5種唔同嘅方法，漸幫你漸漸停止奶睡或抱睡，即刻PM我報名或索取詳情啦

如果你BB已滿6個月，咁就要諗方法幫佢解放，唔再受而家嘅入睡條件所限制。要得到成功，必須要有全盤計劃，生理、心理、環境因素缺一不可，重點係要保持一致，咁至能夠傳遞到清晰嘅訊息，令BB更容易接受新嘅安排。有需要幫手嘅，隨時PM我傾傾啦