唔駛限住每4個鐘餵奶
琴日講到，BB氹極都唔瞓嘅原因，除咗不利睡眠嘅哄睡方式外，另一個原因係照顧者未能將BB嘅睡眠需要放喺首位。
舊文重溫：
唔係指成日出街唔畀BB瞓覺，而係將其他照顧BB嘅「任務」睇得比瞓覺重要，於是錯過晒理想嘅入睡時間。
準時入睡重要過準時餵奶，早或遲30分鐘餵奶唔係問題，亦唔建議將「每4個鐘餵一次奶」視為里程碑或法規。日頭餵多啲夜晚就食少啲，早啲可以停夜奶。
睡前奶應該喺目標入睡時間前30-45分鐘餵，食唔晒就算，唔好迫或不斷試好多次（有媽咪話會喺1-2個鐘內試4次 ，枝奶擺咁耐其實會變味㗎，梗係唔肯飲啦...）
好多媽咪話BB厭奶，最誇張係由2個月厭到9個月，完全唔係正常嘅情況。
其實，BB並非厭奶，而係對於食奶呢件事形式咗負面關聯，於是見到枝奶就炆憎反感。
結果，BB淨係瞓著咗至肯食奶，形成極之壞嘅飲食及睡眠習慣...
如果你正面對BB厭奶嘅問題，可以下載呢份免費小冊子《如何解決厭奶問題》
