點解氹極都唔肯瞓？

你知唔知道，好多時BB氹極都唔肯瞓，係由於不利睡眠嘅哄睡方式所致？

例如：哄睡時開燈同播音樂、不斷轉換抱嘅方法、又抱又行又拍又唱歌...

呢啲做法，對BB其實刺激多於安撫，開燈仲會抑制大腦分泌睡眠荷爾蒙，咁又點會瞓得著呢？

我相信，好多哄睡習慣，都係日積月累慢慢加上去嘅。

但呢個其實正正係問題所在...

當你set咗咁多條件，決一不可，咁你係喺度整蠱你自己

之不過，其實咁做都未算係最難攪

令BB最不知所措嘅，係「哄睡方式不一致」，即係一時抱睡、一時奶睡、一時抱去大人床、一時就唔理佢由佢喊...

咁樣做，會令BB覺得好混亂，唔知即將會發生啲乜嘢事，亦都未能習慣一個入睡方式。

氹極都唔瞓，唔係BB唔想瞓，而係頭都暈唔知你想點呀！