帶孩子去旅行

你打算帶囝囝囡囡去外地旅行嗎？
如果搭飛機嘅時間撞正要瞓晏覺的話，點做好呢？
如果目的地有時差，又該如何處理？

首先，可能的話，盡量選擇避開小朋友需要瞓覺嘅時間上機。

飛機上太多新奇有趣嘅事物，就算小朋友攰，亦未必願意合埋眼瞓覺。

如果冇辦法避免，又或者需要乘搭長途機的話，你可以購買一個充氣腳墊*，放喺座位前嘅空間，畀小朋友能夠橫躺下來。

然後自製帳篷，遮擋燈光及外間事物。

製作帳篷嘅方法很簡單，只需一張深色毛氈以及兩個大夾。

將毛氈嘅一邊用夾固定喺小朋友座位嘅頭墊上，然後打開餐桌，將另一邊夾住，就攪掂嘞！

至於時差嘅問題，要視乎兩地相差幾多，以及旅遊嘅模式（自遊行/旅行團）。

如果只有一兩小時時差，行程又能夠配合的話，當然最好畀小朋友喺同樣時間瞓覺，有需要的話亦可以喺出發前幾日，每日調節15分鐘，呢個方法都適用於多幾個小時時差嘅地方。

如果前往目的地需要乘搭長途機，兩地時差有多於6小時以上的話，咁基本上你唔需要做任何準備。

畀小朋友喺機上盡情瞓，到達目的地後就立即按照當地時間執行作息時間表，就得㗎嘞！

*部份航空公司可能不允許使用呢種腳墊

想得到更多貼士，歡迎免費下載［帶BB去旅行］資訊小冊子。

呢份小冊子，會話你知：

✅ 點樣揀選航班時間及座位

✅ 等機時同機上可以畀乜嘢BB玩

✅ 點樣處理睡眠及時差問題

✅ 營造安睡環境嘅貼士

✅ 推介產品及購買連結