又唔肯入房瞓覺....
「當小朋友越嚟越大，開始有主見，樣樣都同你say no，尤其要瞓覺嘅時候，唔肯入房，仲想繼續玩...」
於是，好多時結果就會係：
1) 由得佢玩
2) 發火
你係邊個情況呢？有冇第3個可能性呢？
有㗎！
當小朋友唔願意入房準備瞓覺，你可以問佢：
「你想我哋拖住手一齊行，定係我抱你入房呀？」
如果你囝囝囡囡繼續say no走咗去，咁你就可以話：
「OK，既然你揀唔到，咁我幫你揀啦！我而家嚟抱你入房嘞 」
又或者，你可以話：
「係咁我入房先啦，我喺房等你，希望你嚟到時，仲有時間可以一齊睇本書啦！」
你留意到我用嘅emoticon嗎？
係呀，重點係要保持從容，唔好顯露出煩躁或無奈嘅樣，而要非常有自信，用好輕鬆語氣去講。
唔需要怕囝囝囡囡會點樣反應，可能佢會反抗，會掙扎大叫唔要瞓覺。但如果你決定抱佢入房，就要講得出做得到，而且要非常果斷，執行到底至得。
其實，小朋友需要知道我哋係因為愛錫佢，所以至會堅持。佢需要知道我哋能夠冷靜處理任何狀況，係佢哋可信賴嘅領袖，而且願意接納佢嘅負面情緒，呢個係增進親子關係嘅關鍵嚟㗎！
又其實，小朋友係好鍾意你話畀佢聽個規矩係點樣㗎！你越理所當然去講，佢就越容易去接受。
設限，唔代表要扮惡㗎！
伸延閱讀：When Your Toddler is Stalling（連結喺留言）
想知道更多睡眠貼士，即Dolce Sleepers 嬰幼兒睡眠資訊啦！
另外，亦歡迎加入#RIE育兒法 群組
