囝囝落床後成日大便，攪到遲哂，點算好？

「囝囝食完晏後要瞓晏覺，放佢落床時好安靜嘅，但過咗一陣就會大便，攪到過左時間攰得滯瞓得唔好，點算呢？」

我兩個仔以前有段時間都成日係咁，激到我死！

次次見佢哋夠鐘瞓，但仍然玩到興高采烈，九成九都係解放完好high...

我就好無奈囉，勁想有人可以發明一個大便探測器！🤣

答返個問題先，呢個情況其實好常見㗎，尤其係習慣喺食完晏後嚟個悠長午睡嘅小朋友。

因為食完嘢，腸胃郁動，加上瞓喺床上面，黑炆炆咁好放鬆，所以就💩

有時候，亦可能係佢哋特登咁做，拖延瞓覺嘅時間...

你知道BB喺9個月大，就已經可以控制得到幾時💩同埋🤮㗎嘞！

要解決呢個問題，你可以略為改變佢嘅diet。

朝早畀多啲纖維佢，nap後亦畀多啲，希望佢會喺其他時候去到。

平時亦要畀多啲水佢飲。另外，你亦可以早啲畀佢食晏，預返多啲時間畀佢喺床解放完至瞓。

提提你，換片時要盡量保持黑暗，可以嘅話只係開少少門就算，唔好開燈。

亦唔好講任何嘢，換完即刻放返佢落床，將刺激減到最低。