用邊種睡眠訓練方式好呢?

琴日講到，睡眠訓練唔work嘅原因。

當BB已經滿6個月，作息時間穩定嘞，又可以順利入睡，咁下一步應該點做呢？

應該點樣決定，用邊種睡眠訓練方式呢？

要答呢個問題，有幾個因素需要考慮：

1) BB嘅月齡

唔怕長氣再提多次，未滿6個月嘅BB，唔需要亦唔建議做正式嘅睡眠訓練，應以培養良好睡眠習慣為重點。另外，年紀大啲嘅小朋友，建議盡量揀一種刺激性比較低嘅方式，越hands off越好（但唔代表要扮瞓覺唔理佢喎！）

2. BB嘅性格

有些BB個性比較執著；有些BB性格較為敏感。所以，必須使用相應嘅回應方式，至能夠有效令BB掌握到自我安撫入睡嘅能力。

3. 而家嘅入睡方式

所謂嘅「睡眠訓練」，準確嚟講其實係睡眠「再」訓練，目的是令BB擺脫之前嘅哄睡習慣（亦即搖睡抱睡奶睡等），令佢重新擁有自行入睡嘅能力。所以，如果BB從小就已經習慣床上入睡（例如拍睡），咁可能無須經過訓練，都可以自行入睡㗎！

4. 父母嘅育兒觀

呢點其實係最重要、最具決定性嘅一點。揀邊種睡眠訓練方式，除了要因應BB嘅性格之外，媽咪爹哋嘅諗法及期望亦好重要。我唔會迫人做佢哋唔願意做嘅事，因為如果媽咪爹哋勉強自己去做，往往都會好難持續得到，好容易放棄。

有關睡眠訓練有邊幾種常見嘅方式，網上有好多資料，所以就唔特別去講嘞（不過因為受RIE育兒法影響，所以DolceSleepers嘅心法自成一格 ，好講求聆聽及瞭解BB）。

要注意嘅係，做睡眠訓練唔代表要掉低BB一個喺房，由得佢喊唔理佢。你可以選擇留喺房陪住BB，提供支持及安撫。

但係，就算你陪住佢，亦唔代表BB就唔會喊。

呢點聽日再講

如果你對於睡眠訓練仍然冇乜信心，唔肯定係咪適合你同你BB嘅話，我明㗎！

所以，我至特別設計咗「 睡眠調整全面睇」。

呢個網上課程唔會以睡眠訓練為重點，而會教你點樣去調整同完善其他安睡因素，逐步改善睡眠質素，務求令BB能夠「無痛入睡」

如果你對睡眠訓練或網上課程有任何疑問，歡迎瀏覽網站或者PM專頁。

https://www.dolcesleepers.com/courses/sleep-shaping