睡眠概覽 - 初生BB

嬰幼兒睡眠，其實可以係好有違「常理」嘅事。

雖則咁講，想囝囝囡囡瞓得好，我哋要做嘅，其實不過係遵循返睡眠嘅自然規律，避免出現疲勞過度嘅情況。

因為，就算係識得自行入睡嘅BB或小朋友，喺攰得滯嘅情況下，一樣會瞓得唔好，一晚醒幾次。

嚟緊呢個星期，我將會同大家分享唔同年齡階段嘅睡眠概覽，畀大家參考一下，亦歡迎留言發問

今日先由《初生嬰兒》開始啦！

每日睡眠總時數：16-18小時

日間睡眠次數：不定

日間睡眠總時數：6-8小時

清醒時間：45-60分鐘

夜奶次數：每2.5-3小時吃一次奶

備註：

• 「晝夜節律」（Circadian Rhythm）仍未固定，可能會出現晝夜顛倒嘅情況。要幫BB學識分辨日與夜，日頭就應該定時叫醒佢餵奶，清醒時亦應該多啲接觸自然光

• 初生BB有母體褪黑激素（一種睡眠荷爾蒙），喺咩環境都好容易瞓得著。但到咗6-8周大，佢哋就要自己分泌到睡眠荷爾蒙，至能夠有足夠睡意入睡，所以無論日夜，都必須喺全黑嘅環境瞓至得，夜燈都唔好開呀！

• 房間應安靜（可使用白噪音）、睡眠環境（無論日夜）應減少光線與其他刺激 （例如床鈴和投影燈）

• 只要BB已回復出生時嘅重量，並且體重增長理想，半夜就唔需要叫醒餵奶，可以由得佢自己醒（但仍然可能會每2.5-3小時要食一次）

想知道更多幫你贏在起跑線嘅睡眠貼士，即刻睇埋呢篇文章啦！