點解陪睡都會大喊?

有媽咪問：「我聽啲人話做睡眠訓練，放低BB喺床之後就唔好理佢，咁我咪自己瞓喺床等佢瞓著囉！點知佢越喊越勁...」

的確，有啲貪玩想吸引你注意嘅小朋友，你越回應佢佢就越開心，係咁或者唔理佢會work。

一般嚟講，對於比較大個啲小朋友，呢招係常見嘅「陪睡」嘅方式，如果父母唔介意喺房同佢困獸鬥，或者小朋友好快就瞓著嘅話，咁就唔係問題。

只不過，好多媽咪同我講，明明已經陪住BB，開頭落床都冇乜嘢嘅，但過一陣佢就開始喊，跟住越喊越勁，情緒性失控...

點解呢？

有一個叫做Still face experiment嘅實驗，研究結果指出，當媽咪突然間變得「面無表情」，會引發囝囝囡囡嘅負面情緒（實驗片段見留言）

即係話，BB明明見到媽咪坐/瞓喺度，但佢唔出聲又唔郁，叫極都冇反應，唔知發生咩事於是覺得好不安，結果就嚇親大喊嘞...

所以，我一向都鼓勵媽咪爹哋喺陪睡時，唔駛怕回應BB。

你留喺房嘅目的，係令佢安心瞓覺，所以你喺開頭必須同佢保持connected，而唔係單單坐喺度乜都唔做呀！（甚至自己篤手機）

P.S. 想知道點樣可以減少戒抱睡奶睡嘅掙扎，令BB能夠自己瞓覺，「睡眠調整全面睇」可以幫到你！

網上課程「睡眠調整全面睇」
喺呢個專為6個月-3歲嬰幼兒而設嘅網上課程，我會逐步講解如何從環境、生理、心理、心態等因素開始著手，助你逐步改善囝囝囡囡嘅睡眠質素，亦能助你避免之後可能會出現嘅睡眠問題。課程重點，係以有系統嘅方式，由淺入深為你羅列出每一項需要做嘅改變（WHAT?）， 應該如何作出改變（HOW?），以及何時應該作出改變（WHEN?）。課程會以短片作講解，每條短片最後亦有Action Points，令你能立即執行建議。除了教學短片外，課程亦包括１對１電話諮詢，我會視乎你囝囝囡囡嘅情況，提供進一步建議，並且同你一齊制定初期目標，盡快令你你囝囝囡囡嘅睡眠問題得到改善。
詳情：www.dolcesleepers.com/courses/sleep-shaping