做睡眠訓練有冇年齡上限呢?
好多時都會收到有媽咪message問，囝囝囡囡已經歲幾兩歲，仲可唔可以做睡眠訓練呢？
首先，要確認返，你所理解嘅睡眠訓練到底係點樣嘅一回事。
如果你諗緊嘅係，放低小朋友喺床， 然後大人就離開睡房，由得小朋友自己喊到瞓著...
咁我會答 — 唔可以 🙅♀️
因為如果你留低佢喺BB床唔理佢，小朋友有冇喊都好， 都好有可能會擒出床，造成危險。
而如果冇床欄隔住，咁佢就會自己落床開門，一樣唔會work。
而且，小朋友越大個，心理因素對睡眠嘅影響更大。
如果你囝囝囡對瞓覺係好抗拒，甚至係怕咗瞓覺 🥺（因為會冇人理佢），咁就算佢可以自己瞓，都唔會瞓得好...
之不過，咁亦唔代表，唔能夠以 自行入睡 為目標㗎！
相反，歲半以上陪睡已經唔太work（同床或者例外），所以係更加需要令小朋友可以自己瞓，唔駛媽咪或爹哋陪住佢，至能夠解決夜醒嘅問題。
要達到呢個目標，係絕對可以做到嘅，只要你同小朋友都做好準備 😉
喺今集 0至3歲寶寶Podcast，我邀請咗Mitsaki媽媽同埋佢先生Vincent，同大家分享，佢哋幫囝囝 Quentin轉小童床，並且令佢能夠自行入睡嘅過程同心得。
希望內容可以幫到你更有信心，處理你囝囝囡囡嘅睡眠問題啦！
有任何疑問，歡迎回覆呢封email搵我傾傾 😊
祝 你BB早日成為 甜睡(Dolce) 寶寶(Sleepers)!
Catherine
☆☆☆
希望好似Mitsaki媽媽同Vincent爸爸咁樣，能夠有信心去為小朋友做好準備，令佢能夠自行入睡？
「睡眠調整全面睇」幫到你 😊
👉 令BB回復自行入睡嘅天生本能，並且令佢鍾意瞓覺！
希望盡快得到建議，改善孩子的睡眠問題？
☆☆☆
嬰幼兒睡眠顧問 Catherine
全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽
網上課程 / 電話諮詢 / 免費資源分享
