爸爸出馬
「最近做嘅電話諮詢，都係同爹哋媽咪一齊傾」
我非常鼓勵咁多位爹哋，一齊落手參與改善囝囝囡囡嘅睡眠質素㗎！BB瞓得好，媽咪有覺好瞓，心情靚啲，夫妻關係親密啲，家庭氣氛亦融洽啲
小朋友係父母嘅愛情結晶品，雙方都有照顧BB嘅責任，就算係全職媽咪，同樣需要另一半嘅支持。
所以，我好多時都會建議，可以嘅話，請爸爸負責氹囝囝囡囡瞓覺。
一來，好多時爸爸返到屋企已經係食飯時間，冇乜機會同囝囝囡囡相處，所以我會建議請爸爸參與睡前儀式，培養親子關係。
舊文重溫 《親子時間》http://bit.ly/2SLUaW7
尤其係習慣奶睡嘅BB，想改善夜醒嘅問題，戒奶睡係第一步。要成功戒到，最好就係媽咪唔在場，由爸爸出馬安撫BB嘞 （爸爸通常比較能夠堅持得到）
而當囝囝囡囡大個啲，開始只顧玩唔願瞓，爸爸嘅威嚴亦能夠令小朋友合作啲（威嚴唔代表鬧或者罰喎！純粹你嘅存在已經夠㗎嘞 ）
所以，咁多位媽咪，如果你仔仔囡囡唔願瞓唔肯瞓，試吓搵老公出馬啦！當然唔係話一二三乜都唔理放低個B就算，你可以請佢觀察一下你點樣幫囝囝囡囡準備落床瞓覺。到佢上手嘞，就可以放心交個B交畀佢，自己去抖抖先啦！
舊文重溫
《睡前儀式》http://bit.ly/2LHoQ7e
《讓孩子懷著愉快的心情入睡 》http://bit.ly/2YLKiLW
註：記得一定要注意就寢前嘅清醒時間*，同埋唔好太夜瞓#。因為如果bb攰得滯會勁喊，只有媽咪至會安撫得到㗎（呢個係好常見嘅情況嚟）
《清醒時間》 http://bit.ly/2JqQjYb
《就寢時間》 http://bit.ly/36o9wnX
媽咪都要有落場嘅時間，同意就畀個 啦！記得tag埋仔仔囡囡嘅爹哋喎
神隊友要培養㗎
畀個機會佢啦 效果或者會意想不到㗎
