BB想擒出張床，點算好 ？

「琴日發現14個月嘅囡囡想擒出BB床，好彩及時睇到，好擔心佢會跌落地撞到頭...」

張BB床上面係咪有枕頭、棉被、公仔、攬枕等等物件？

係咪有用床圍？ 

BB會識得踩住呢啲物品借力擒出嚟，所以第一件事係要即刻拎走晒所有嘢。

張床清空咗，就冇咁容易會就咁擒出嚟。

你亦可以幫bb著個睡袋，一來可以減低佢嘅活動能力，二來又唔怕佢會踢被凍親，一舉兩得！

有啲人會建議拆咗張床個底令床褥貼地，或加高床邊等。

但咁樣改裝嘅話，張床有可能會唔夠穩陣，造成危險，所以唔建議用任何方式改裝BB床㗎！