囝囝病倒了

「囝囝囡囡病咗，仲駛唔駛跟時間表呢？如果進行緊睡眠訓練，又應該繼續嗎？」

睡眠，係最好嘅藥。

當BB/小朋友病咗，佢哋最需要嘅係休息，所以你可以唔駛理時間表，日頭佢攰就畀佢瞓， 亦唔需要刻意叫醒。

之不過，如果BB本來係瞓緊自己張BB床的話，盡量唔好抱佢去大人床瞓。

而且，除非BB有呼吸道感染令佢透唔到氣，否則一向床上入睡的話，亦唔需要改為抱睡（除咗會改變咗BB嘅習慣外，亦可能會令佢夜醒更嚴重，瞓得更差，好得更慢）

但如果你正進行緊睡眠訓練的話，就可以通通拋腦後，用返原來嘅方法幫囝囝囡囡入睡。

瞓得多至好得快。等病好咗，再用返原來嘅計劃就得。

仲有就係，BB已戒夜奶的話，亦唔好再畀夜奶，否則病好咗，變成習慣性夜醒就頭痕…

另外，如果BB發燒，除非醫生指示，否則無須半夜檢查體溫，避免唔小心整醒咗佢，BB仍然瞓緊瞓亦無須叫醒餵藥。

盡量喺夜晚就寢之前餵藥，如果只係一般常見輕微疾病，BB半夜高燒，一般都會覺得唔舒服而夜醒大喊搵人。

*以上並非醫療建議，請以專業醫療人員所提供嘅意見為準。