你有顧及到囝囝囡囡右腦嘅需要嗎？
喺早幾日舉行嘅「幼兒睡眠問題雞精班」，好多媽咪爹哋都想知道，點樣至可以令囝囝囡囡能夠自己瞓覺，唔駛人氹或者陪住至瞓得到。
我明呀，每日專頁收到嘅messages，９成人都係問呢個問題。
大家都好希望可以得到一個「方法」，令BB／小朋友可以自行入睡＋一覺瞓到天光。
終極目標，莫過於此。
方法，其實係有嘅。
只不過，必須要制定階段性目標，逐步去做調整，至係最持久有效，而且能盡量減低掙扎嘅做法。
小朋友同BB唔同，月齡細嘅BB，好多時只要做營造好安睡環境，同埋有一個合適嘅作息時間表，已經唔會話一晚醒5678次（需要依賴抱睡奶睡嘅話係會醒，但次數唔會咁多，而且處理方式正確應該好易瞓得返）。
但面對大個啲嘅小朋友，心理因素嘅影響就會大好多。
欲速則不達，尤其是已經唔再係BB嘅小朋友，我哋更加需要顧及到佢哋右腦嘅需要。
如果小朋友對睡眠已經形成負面關聯，亦唔係你講兩句就會突然鍾意咗瞓覺。
希望囝囝囡囡能夠安心自己瞓覺，唔會捉住媽咪唔放，係需要時間去慢慢建立信心嘅。
喺雞精班，我畀咗幾個實用貼士及工具大家，點樣去處理小朋友唔肯合作，拖住唔肯瞓覺嘅情況，亦講解咗點樣慢慢去令小朋友唔再對瞓覺呢件事咁抗拒，從而令佢願意自己瞓唔駛人陪嘅秘訣。
有一點好重要，容許我再提多一次：
睡眠大忌之一，係媽咪爹哋自己都未能夠處理好自己嘅情緒，但又心急想去作出改變，結果往往只會令小朋友更加唔安心，瞓得更加差...
面對囝囝囡囡唔肯自己瞓覺呢個問題，我哋首先要檢視自己嘅心態。
點樣能夠喺管教小朋友，以及畀佢哋自由探索之間取得平衡，其實係一門藝術嚟！
然後，就係安然接受囝囝囡囡比我哋誇大幾倍嘅情緒反應。
喺雞精班我提到Janet Lansbury一篇文章，喺呢度同其他冇參加嘅媽咪爹哋一齊分享。
＂Tantrums and Meltdowns – My Secret For Staying Calm When My Kids Aren’t＂by Janet Lansbury
貼埋幾篇之前喺專頁寫嘅文章（click個題目就得）：
情緒呢個題目，可以講嘅其實有好多。
RIE育兒法創辦人Magda Gerger喺呢一方面，有好深入獨到嘅見解。
有興趣知多啲嘅話，記得密切留意住Dolce Sleepers嘅活動公佈嘞！
P.S. 登記Dolce Sleepers每周通訊，就唔怕會錯過消息嘞！
