鐵質攝取量不足，會對睡眠造成影響

「你知道，鐵質攝取量不足，會對睡眠造成影響嗎？

你知道，好多BB/小朋友都有缺鐵性貧血嘅問題嗎？」

以下係幾個可能會出現嘅跡象：

- 易攰

- 瞓覺時經常燥動不安

- 睡眠質素差

- 臉色蒼白

- 胃口欠佳

- 情緒及行為問題

- 異食症（經常想食塵/紙/指甲等）

足月出生嘅BB，頭6個月體內已經有足夠嘅鐵質儲備*。但滿6個月之後，就需要額外嘅鐵質，至能夠健康成長。

雖然母乳嘅鐵質含量低，但對BB嚟講比較容易吸收。只要配合含有豐富維他命C嘅食物，母乳BB都能夠得到足夠嘅鐵質。

而配方奶嘅鐵質吸收率低，所以需要大量添加。一般冇厭奶問題嘅BB，應該都能夠吸取到足夠嘅鐵質。

1歲前應該以母乳/配方奶為主食，1歲後可以轉飲牛奶。但由於牛奶含鐵量少，如果飲太多牛奶，除咗會引致鐵質吸收不足之外，亦會影響正餐嘅胃口，令小朋友更加揀飲擇食。

有啲乜嘢食物含有豐富鐵質呢？

- 肉類

- 魚

- 果仁

- 豆類

- 深綠菜葉類

- 蛋黃

記得要配合埋維他命C豐富嘅蔬果類一齊進食，促進鐵質嘅吸收呀！

懷疑囝囝囡囡有缺鐵性貧血，就要立即去做檢查嘞！

之不過，如果你囝囝囡囡平日跳跳紮，淨係瞓得唔好嘅話，咁就可以先嘗試調整作息時間，配合返BB早睡早起嘅生理時鐘。

「睡眠調整全面睇」 網上課程，現已開放報名，隨時可以開始上堂

教學影片 + 學員專屬群組 + 每周Q&A + Zoom歡迎會（直接諮詢）

P.S. 如果媽媽喺孕期鐵質攝入不足，BB就未必會有足夠嘅鐵貯存量。另外，早產嬰、雙胞胎、多胞胎或者媽媽喺孕期有嚴重貧血嘅話，BB出現缺鐵性貧血嘅機會亦會上升