點解一放落床就勁喊？
「每次放BB落嬰兒床，佢都會勁喊，佢係咪唔鍾意自己瞓? 」
「我又好驚SIDS，同床瞓我好驚會唔小心會壓到bb，用分隔床係咪會安全啲？」
初生嬰兒一被放落床即喊，並非因為孩子不喜歡睡嬰兒床。
背後原因有好多，而且這些原因可以同時出現：
1. 睡眠環境有太大刺激
初生嬰兒很容易受刺激；如果睡眠環境有太多色彩繽紛嘅裝飾，例如吊鈴或投影機等，亦可能會令BB無法平靜落嚟，安心入睡。
2. 溫度轉變
你習慣經常抱住BB嗎？媽媽溫暖嘅臂彎，令BB覺得好舒服，突然被放下睡床，當然唔願意啦！
3. 習慣問題
BB出世之前，一直生活喺媽媽體內嘅狹窄環境，一時未能習慣空曠嘅空間。
4. 醫療原因
有啲初生BB嘅消化系統，喺出生時仍未完全成熟，所以會出現胃液倒流嘅問題（reflux），就算BB冇嘔奶，仍有可能是silent reflux。
5. 疲勞過度
最常見嘅原因，是因為BB太遲被放上睡床休息。初生嬰兒嘅清醒時間只有45-60分鐘，每日需要睡16-18小時。唔想瞓喺床上、爆喊、需要好長時間至能夠被安撫入睡等等，正是係BB攰得滯嘅跡象。
至於分隔床，其實完全無助減低SIDS（嬰兒猝死症）嘅風險，甚至可能因為家長誤以為BB瞓喺分隔床內會較安全，更易疏忽而做成危險！
已有研究證實*，分隔床/床中床是令BB出事嘅高危產品！
當BB與父母同床而睡，最危險嘅係BB可能會被床上嘅被鋪蓋冚住，又或者被大人壓住無法呼吸。
呢種分隔床睇起嚟似乎BB與父母嘅睡眠空間分隔開，但其實完全無助減低以上情況發生嘅風險。
因此，為安全著想，最好是畀BB瞓喺嬰兒床內。
而且，亦能減低父母與BB互相騷擾，令BB能夠更早一覺瞓天光！
想知道點樣令BB能夠在嬰兒床上自然入睡？
呢個專為0-5個月BB父母而設嘅健康睡眠工作坊，可以幫到你！
